Apple жаҳоннинг энг қиммат бренди мақомини ўзида сақлаб қолди

Интербранд агентлиги томонидан тузилган жаҳоннинг энг қиммат брендлари рейтингида кетма-кет учинчи йил Apple корпорацияси биринчи бўлди. Бу ҳақда Meduza хабар бермоқда.

Агентлик Apple бренди қийматини 170,3 миллиард долларга баҳолади, бу бир йил аввалги кўрсаткичдан 43 фоизга кўп. Иккинчи ўринни Google эгаллади — бренд қиймати 120,3 миллиард долларга тенг, 2014 йили 12 фоизга арзонроқ эди.

Учинчи ўрин эса 2013 йилга қадар рейтингнинг доимий пешқадами ҳисобланган Coca-Cola компаниясига насиб этди. Салқин ичимликлар бренди бир йилда тўрт фоизга арзонлашиб, 78,42 миллиард долларга баҳоланди.

Кучли ўнликдан, Coca-Cola’дан ташқари, интернет ва АКТ соҳасига алоқадор бўлмаган яна учта компания жой олган. Булар — Toyota автоконцерни (6-ўрин, бренд нархи 49 миллиард доллар), General Electric компанияси (8-ўрин, 42,2 миллиард доллар) ва McDonald’s фаст-фуд ресторанлари тармоғи (9-ўрин, 39,8 миллиард доллар).