Apple компаниясининг янги маҳсулотлари — iPhone 6s ва 6s Plus сотуви бошланишини нафақат смартфон мухлислари, балки фирибгарлар ҳам интиқлик билан кутган кўринади. Улар содда кишиларни алдашнинг антиқа усулларини ўйлаб топмоқда, дея хабар беради «Hi-Tech Mail.Ru».
Манчестер (Буюк Британия) фуқаросига кўчада учраган нотаниш кимса иккита Apple смартфонини атиги 500 фунт эвазига сотиб олишни таклиф қилди. Мамлакатда iPhone 6s’нинг энг арзон модели 539 фунт нарх билан сотувга чиқди. Шу боис шошиб қолган манчестерлик дарров уларни харид қилишга тушди.
Қутини очгач, уни боплаб чув туширишганига амин бўлди: янги iPhone ўрнига қути шакар билан тўлдирилганди. Фирибгар бу пайтда аллақачон кўздан ғойиб бўлганди.
Изоҳ (0)