Исроил аскарлари Иордан дарёсининг ғарбий қирғоғида жойлашган Тулкарм шаҳридаги тўқнашувлар чоғида фаластинликни отиб ўлдирди. Бу ҳақда «Jeruzalem post» маълумотларига таяниб, «ТАСС» хабар бермоқда.
Исроил мудофаа армияси матбуот хизматининг маълум қилишича, 100 дан 200 нафаргача бўлган фаластинликлар шаҳарга кираверишдаги назорат-ўтказиш пости яқинида аскарларга тош ва алангаланувчи шиша идишлар улоқтирган. Ҳарбийлар тартибсизликнинг уч нафар иштирокчисига қарата ўқ узгач, улардан бири олинган жароҳатлар оқибатида кейинчалик ҳаётдан кўз юмган.
Октябрь ойи бошидан бери фаластинликлар ҳужуми туфайли тўрт нафар исроиллик ҳалок бўлди: Қуддуснинг Эски шаҳар қисмида икки исроиллик пичоқланган, яна икки киши Иордан дарёсининг Ғарбий қирғоғидаги шосседа автомобилнинг ўққа тутилиши оқибатида нобуд бўлган.
Фаластин тиббий хизматларининг билдиришича, якшанба, 4 октябрдан бери Исроил армияси ва полиция билан тўқнашувларда 200 дан зиёд фаластинлик яраланган.
Изоҳ (0)