Швейцариянинг Credit Suisse молиявий гуруҳи тадқиқот институти дунёнинг қудратли армиялари рейтингини эълон қилди. Бу ҳақда «РБК» хабар бермоқда.
Ер юзидаги энг жанговар 20 та армия рейтинги қўшинлардаги ҳарбийлар, танклар, самолётлар, вертолётлар, авиаташувчилар ва сувости кемалари сони каби 6 та кўрсаткич бўйича тузилди. Таҳлилчилар қўшинларнинг фақат оддий қурол-яроғ билан уруш олиб бориш имкониятини баҳолади.
Рейтингдаги биринчи ўринни АҚШ эгаллади. Иккинчи ўринга Россия, учинчи ўринга эса Хитой лойиқ кўрилди. Биринчи ўнликка, шунингдек, Япония, Ҳиндистон, Франция, Жанубий Корея, Италия, Буюк Британия ва Туркия кирган. Ундан кейинги ўринларда эса Покистон, Миср, Тайвань, Исроил, Австралия, Таиланд, Польша, Германия, Индонезия ва Канада қайд этилган.
АҚШнинг 2014 йилдаги ҳарбий соҳа учун харажатлари 610 миллиард долларни ташкил этди. Бу биринчи ўнликдаги қолган тўққиз давлатнинг харажатларини жамлаганда ҳам кўп. Қурол-яроғ экспортида ҳам америкаликлар пешқадамлик қилмоқда, кейинги ўринларни эса яна Россия ва Хитой эгаллаган.
Изоҳ (0)