БМТ бош қароргоҳида биринчи марта Фаластин давлатининг байроғи кўтарилди, дея хабар бермоқда «Эхо Москви».
Маросимда Фаластин президенти Маҳмуд Аббос, БМТ бош котиби Пан Ги Мун, Бош Ассамблея 70-сессияси раиси Могенс Люккетофт, шунингдек, жаҳон ташкилотига аъзо мамлакатларнинг ўнлаб ташқи ишлар вазирлари ва дипломатлари қатнашди.
Нашр эслатишича, 10 сентябрь куни БМТ Бош Ассамблеяси БМТнинг Нью-Йоркдаги бош қароргоҳида ташкилот кузатувчилари ҳисобланадиган давлатлар байроқларини кўтаришга рухсат берадиган резолюцияни қабул қилган эди.
Аввалроқ Фаластин давлати президенти Маҳмуд Аббос БМТни Фаластин халқини ҳимоя қилишга чақиргани хабар берилган эди.