Хитойнинг Гуанси-Чжуан мухтор туманида юз берган бир неча портлаш оқибатида уч киши ҳалок бўлди, 13 киши тан жароҳати олди. Бу ҳақда «РИА Новости» хабар бермоқда.
CCTV телеканалининг маҳаллий полицияга асосланиб хабар беришича, Лючен уездининг бир неча туманларида юз берган портлашларга шубҳали жўнатмалар сабаб бўлган бўлиши мумкин.
Хитой Халқаро радиоси маълумотларига кўра, портлашлар оқибатида бир неча бинога зарар етган, улардан бири қисман вайрон бўлган. Вайрон бўлган бино ўрнида қутқарувчилар ва полиция ишламоқда.
Бир қатор Хитой нашрларининг ахборотига кўра, портлашлар сони 14 тагача етган бўлиши мумкин. Расман мазкур ахборот тасдиқлангани йўқ, портлашларнинг расмий сабаби аниқланмоқда.
Изоҳ (0)