Франция Сурия президенти Башар Асадга нисбатан тергов ҳаракатларини бошлади. Agence France-Presse’нинг Франция суд органларидаги манбаларга асосланиб ёзишича, Асад инсониятга қарши жиноятларни амалга оширганликда гумон қилинмоқда.
«Газета.ru»нинг қайд этишича, аввалроқ Башар Асад Сурия ҳудудида юз берган ҳарбий жиноятларни амалга оширишда айбланаётгани ҳақида хабар берилган эди.
Манбанинг маълум қилишича, бунда гап 2011—2013 йиллар давомида рўй берган ҳодисалар ҳақида бормоқда. Франция томонининг тергови кўп жиҳатдан Цезар лақабли фотосуратчининг материалларига асосланган — у Сурияда олган 55 мингдан ортиқ суратлари билан бирга 2013 йили мамлакатдан қочган.
Франция ташқи ишлар вазири Лоран Фабиуснинг қайд этишича, Франция кечиктириб бўлмас чораларни кўриш бўйича «масъулиятни ўзига олиш» ҳақида қарор қабул қилган.
Изоҳ (0)