АҚШнинг «Рональд Рейган» авиаташувчиси 1 октябрь, пайшанба куни Япониянинг Йокосука портига келиши кутилмоқда. Бу ҳақда «РИА Новости» хабар берди.
«Япония ҳукумати АҚШ ҳарбий-денгиз кучларининг узоқ муддат давомида мамлакатда бўлиши давлатимиз хавфсизлиги, минтақада тинчлик ва осойишталикни таъминлашга хизмат қилишини эътироф этади», — дея таъкидланади Япония ташқи ишлар вазирлиги баёнотида.
Эслатиб ўтамиз, мазкур авиаташувчи 2011 йили Япониянинг шарқий қирғоқларида рўй берган зилзила ва цунами оқибатларини бартараф қилишда иштирок этган. «Рональд Рейган» 18 октябрда Жанубий Корея ҳарбий-денгиз кучларининг 70 йиллигига бағишланган парадда қатнашиш учун Пусан портига қараб йўл олади.
Изоҳ (0)