Испания суди Каталония женералитетининг амалдаги президенти Артур Масга нисбатан унинг 2014 йилги мустақиллик тўғрисидаги референдумни ўтказишга тайёргарлик кўришдаги ўрни юзасидан тергов ҳаракатларини бошлади. Бу ҳақда «РБК» хабар бермоқда.
Суднинг бу баёноти ҳудуд мустақиллиги учун курашувчи «Биргаликда» ҳаракати Каталония парламенти сайловида 135 депутатлик ўрнидан 62 тасини эгаллаганидан сўнг пайдо бўлди. Аввалроқ Мас, агар унинг партияси сайловларда ғолиб чиқса, Каталониянинг Испаниядан ажралиб чиқиши учун курашишини маълум қилганди.
Ҳудудий суд департаментидан маълум қилишларича, Мас 15 октябрь куни судга келиб, 2014 йил 9 ноябрь куни ўтказилиши керак бўлган мустақиллик референдуми юзасидан бериладиган саволларга жавоб бериши керак. Охир-оқибат мазкур референдум Испания Конституциявий суди томонидан тақиқланган ва шу куни Каталония аҳолиси ўртасида сўровнома ўтказилган.
Изоҳ (0)