АҚШдаги Stratfor хусусий разведка-таҳлил компанияси Суриядаги Латакия авиабазасининг сунъий йўлдош ёрдамида олинган янги фотосуратларини эълон қилди. Бу ҳақда Meduza хабар бермоқда.
Таҳлилчилар суратлардан Россиянинг Т-90 танклари, БТО-80 зирҳли транспорт воситалари, Су-24, Су-25 ва Су-30 самолётлари, шунингдек, Ил-76 транспорт самолёти ҳамда Ми-24 вертолётларини топди.
АҚШ давлат котиби Жон Керрининг 22 сентябрдаги баёнотига кўра, Латакиядаги рус самолётларининг сони ва турига қараб, улар бу ерга айнан авиабазани мудофаа қилиш учун олиб келинганини тахмин қилиш мумкин.
Россия томони Сурияга мазкур мамлакат ҳукумати билан имзоланган шартномалар доирасида қурол-аслаҳа етказиб бераётганини таъкидлаб келмоқда. Ҳарбий юкларнинг етказиб берилиши рус ҳарбий хизматчилари томонидан таъминланмоқда.
Изоҳ (0)