Австралиялик Люси Келли Сиднейдаги App Store дўконига iPhone 6s харид қилиш учун ўзининг ўрнига роботни жўнатди. 24 сентябрь, пайшанба куни эрта тонгда темиртан харидор дўконга етиб келди. Бу ҳақда Mashable хабар бермоқда.
Фото: Mashable
Келлининг ҳикоя қилишича, у iPhone 6s’ни биринчилардан бўлиб харид қилишни истаган, аммо ишда банд бўлгани учун навбатда туришга икки кун вақт сарфлашга кўзи қиймаган. Бошлиғи эса аёлга ўзининг ўрнига компаниялари ишлаб чиқарган Atomic 212 роботини жўнатишни маслаҳат берган.Мазкур робот сегвейга ўхшаш қурилмага уланган iPad планшетидан иборат. Махсус дастур ёрдамида Келли уни бошқариши, ҳатто атрофдагилар билан камера ва микрофон ёрдамида мулоқот қилиши ҳам мумкин. Робот кечки пайт унинг ўрнига чодирда навбатда туради, кейин дўконга бориб, янги телефонни сотиб олади.
Mashable’нинг ёзишича, навбатдаги турганлар ва ўткинчилар ноодатий харидорни илиқ қарши олган. Улар робот билан мулоқотда бўлиб, селфига тушган.
Изоҳ (0)