Жаҳоннинг 10 та мамлакатида 25 сентябрь, жума куни Apple’нинг янги смартфонлари — iPhone 6s ва iPhone 6s Плус савдолари бошланди. Бу ҳақда «Ведомости» хабар бермоқда.
Камераси яхшиланган, ишлаб чиқариш қуввати ошган ва сенсор экранга босилган кучни аниқлаш технологияси билан таъминланган смартфонни Австралия, Буюк Британия, Германия, Канада, Хитой, Янги Зеландия, Сингапур, Франция, Япония ва АҚШ, шунингдек, Гонгконг ва Пуэрто-Рико аҳолиси биринчилардан бўлиб харид қилиши мумкин.
АҚШда iPhone 6s алоқа оператори билан имзоланадиган икки йиллик шартномадан келиб чиққан ҳолда, ички хотирасининг ҳажмига қараб, 199 доллардан 399 долларгача сотилмоқда. Нисбатан катта экрани билан ажралиб турувчи iPhone 6s Plus’нинг нархлари эса 100 долларга қиммат.
Apple вакилларининг олдиндан берилган буюртмаларга асосланиб маълум қилишича, дастлабки дам олиш кунларида янги смартфонлар савдоси 10 миллион донадан ошиб кетиши мумкин. Бу эса 2014 йили iPhone 6 савдолари вақтида ўрнатилган рекорддан юқори кўрсаткичдир.
Изоҳ (0)