Туркиянинг Гази университети олими Эда Акман Айдин уйни имкониятлари чекланган кишилар учун қулайроқ қилишни ўзига мақсад қилиб олди, дея хабар бермоқда «Hi-tech.mail.ru».
Ҳамкасблари билан биргаликда у мия ишлаб чиқарадиган импулЬсларни сканер қилиб, «ақлли» уй учун буйруқларга айлантирадиган қурилмани ишлаб чиқди.
Тизим электр энцефалографга асосланган бўлиб, у инсон нимадир қилмоқчи бўлганида миядан чиқадиган P300 сигналини тутиб олишга қодир.
Электр энцефалограф экранга уланган шлемга ўрнатилган. Мияда сигнал пайдо бўлиши билан дисплейда уйдаги қурилмалар, масалан, телефон, телевизор ва ҳоказо тасвири ҳосил бўлади. Фойдаланувчи ўзига керакли расмни кўргач, мия яна P300 сигналини чиқаради. Сўнг «ақлли» уй электр энцефалограф орқали узатилган сигнал таъсирида телевизорни ёқиши ёки экранга телефон рақамлари менюсини чиқариши мумкин.
Изоҳ (0)