Калининграддаги Иммануил Кант номли Балтика федерал университети (Россия) олимлари кўриниши ва ҳаракатларидан ҳақиқий ҳашаротдан фарқлаш қийин бўлган суварак-робот яратди. Бу ҳақда «Аргументи и факти» хабар бермоқда.
Электрон ҳашарот вайроналар остида қолган одамларни қидириши, шунингдек, жосуслик билан шуғулланиши мумкин. Робот ёруғликни сезувчи сенсорлар, тўсиқларни пайқаш ва уларни четлаб ўтишга имкон берувчи датчиклар тизими билан таъминланган.
Роботни яратиш чоғида суваракларнинг Жанубий Америкада учрайдиган тури — Blaberus Giganteus’дан андоза олинди. Роботнинг узунлиги 10 сантиметрдан кичик, аммо у сониясига 30 сантиметр тезликда ҳаракатлана олади.
Робот ўзи билан кичик ҳажмдаги юк, айтайлик, митти камера ёки овоз ёзиб олиш қурилмасини олиб юриши мумкин. Олимлар унинг ўзини тутиши суваракларникига имкон даражада ўхшаш бўлишига эътибор қаратилганини таъкидламоқда.
https://www.youtube.com/watch?t=56&v=izNJM3T2A7k
Изоҳ (0)