Европа Иттифоқи мамлакатлари етакчилари суриялик қочоқларга улар Евроиттифоқ чегарасига етиб келгунига қадар ёрдам кўрсатиш ҳақида келишиб олди. Бу ҳақда «Ведомости» хабар бермоқда.
Миграция инқирози масаласида 24 сентябрга ўтар кечаси якунига етган Европа Иттифоқи саммитида мазкур мақсадлар учун қўшимча 1 миллиард евро ажратиш ва БМТнинг Қочоқлар ишлари бўйича олий комиссари бошқармасининг Жаҳон озиқ-овқат дастури доирасида энг аввало Ливан, Иордания ва Туркияга тақсимлаб бериш ҳақида келишиб олинди.
Евроиттифоқ етакчиларининг фикрича, «қочоқлар ва муҳожирларнинг энг катта тўлқини ҳали олдинда». Европа Кенгаши раҳбари Дональд Тускнинг сўзларига кўра, Сурияни 8 миллион киши ташлаб чиқишга мажбур бўлди ва уларнинг аксарияти қўшни мамлакатлардан қўним топган. Саммитнинг якуний баёнотида 12 миллион эҳтимолий қочоқ ҳақида сўз боради.
Шунингдек, Европа Иттифоқи муҳожирлар билан боғлиқ жорий муаммоларни ҳал қилиш учун Туркияга 1 миллиард, Сербия ва Македония учун 17 миллион евро сафарбар этишга тайёр эканлигини маълум қилган.
Изоҳ (0)