Буркина-Фасодаги исёнчилар 22 сентябрь, сешанба куни гаровда сақланаётган мамлакат бош вазири Исаак Зидани озодликка чиқарди. Бу ҳақда «Корреспондент.net» хабар бермоқда.
16 сентябрдан буён президент саройида тутқунликда сақлаб келинган бош вазирга сешанба куни ўз қароргоҳига қайтиш учун рухсат берилган.
22 сентябрь куни тонгда исёнчилар билан капитуляция ҳақида музокаралар олиб бориш мақсадида мунтазам армия бўлинмалари мамлакат пойтахти Уагадугуга кирган эди.
Бундан аввалроқ Буркина-Фасодаги ҳарбий тўнтариш ташкилотчиси, генерал Жильбер Дендере миллатга мурожаат билан чиқиб, ҳамюртларидан узр сўраган ва қон тўкилишининг олдини олишни хоҳлаганини айтиб ўтганди. Шунингдек, у сайловлардан сўнг ҳокимиятни топширишга тайёрлигини таъкидлаганди.
Франциянинг Буркина-Фасодаги элчиси 17 сентябрь куни ўз қўриқчилари томонидан ҳокимиятдан четлатилган муваққат президент Мишель Кафандо элчихона ҳудудида истиқомат қилаётганини маълум қилган.
Изоҳ (0)