Вазирлар Маҳкамасининг «Ўзбекистон Республикаси фуқароларининг сафарбарлик чақируви резервидаги хизматини ташкил этиш чора-тадбирлари тўғрисида»ги 2003 йил 23 февралдаги қарорига ўзгартириш ва қўшимчалар киритилди. Тегишли қарор Қонун ҳужжатлари маълумотлари миллий базасида эълон қилинди.
Ҳужжатда қайд этилишича, пул бадалларини тўлаган, бироқ ҳарбий йиғинлардан ўтмаган сафарбарлик чақируви резерви хизматчисининг тўлаган пул бадаллари белгиланган тартибда қуйидаги ҳолатларда қайтариб берилади:
- сафарбарлик чақируви резерви хизматчиси ҳарбий хизматга яроқсиз деб эътироф этилганда;
- унга тиббий-меҳнат экспертиза комиссияси томонидан I ёки II гуруҳ ногиронлиги берилганда.
Ортиқча тўланган, шунингдек, Махсус ҳисоб рақамига янглиш ўтказилган пул бадаллари белгиланган тартибда қайтарилади. Бошқа ҳолатларда Махсус ҳисоб рақамига ўтказилган пул бадаллари қайтариб берилмайди.
Изоҳ (0)