17 сентябрь куни илк инновацион автомактаб Avtotest’нинг расмий очилиши бўлиб ўтди. Бу ҳақда Avtotest пресс-релизида айтилади. Таклиф этилган меҳмон ва журналистларга ўқитишда тамомила янгича ёндашувни тақдим этувчи лойиҳанинг ноёб ишланмалари намойиш этилди.
«Йўл-транспорт ҳодисаси Жаҳон соғлиқни сақлаш ташкилоти томонидан ўлим сабабларининг биринчи ўнталигига, ОИТС ва сил касалликларини ўзиб ўтувчи омил сифатида киритилган, — дея қайд этди Avtotest компанияси директори Комилхўжа Маҳамадхожаев. – Avtotest’ни ташкил этиш ғояси мазкур ачинарли статистикани ўзгартириш билан боғлиқ бўлди. Йўл-транспорт ҳодисасида устувор сабаб бўлиб йўл ҳаракати қоидаларининг бузилиши қайд этилар экан, биз учун ушбу соҳада таълимни мукаммаллаштиришга ҳаракат қилиш мислсиз қарор бўлди».
Мактабда ўқитишда бутунлай анимацияли роликлар қўлланилади, ўқитувчилар эса, дарсларни яхшироқ эслаб қолишга ёрдам берувчи, психологик тадқиқотлар асосида тузилган замонавий педагогик услублардан фойдаланади.
Бу ерда ҳайдовчилик кўникмаларини эгаллаш учун симулятор ҳам мавжуд. Тренажёрни муваффақиятли ўзлаштириб олгандан сўнг, ҳайдовчилик амалиётини талабалар замонавий автодромда ўтайди.
Изоҳ (0)