2015 йилнинг 1—3 октябрь кунлари «Ўзбекистон» спорт саройида Гран-При туркумига кирувчи йирик мусобақа ўтказилади. Бу ҳақда Ўзбекистон Миллий олимпия қўмитаси матбуот хизмати хабар бермоқда.
2016 йили Рио-де-Жанейро шаҳри (Бразилия)да ўтказиладиган XXXI ёзги Олимпиада ўйинларининг йўлланмалари учун рейтинг очколар ўйналадиган мазкур мусобақада бугунги кунга келиб 60 га яқин давлат вакиллари иштирок этишини билдирган.
Таъкидлаш жоизки, Гран-При туркумига кирувчи мазкур мусобақа 2013 йилдан буён Ўзбекистон пойтахтида ўтказилмоқда. Агарда дастлабки йили 20 давлат вакиллари иштирок этган бўлса, 2014 йили 42 давлат спортчилари ғолиблик учун кураш олиб борди.
Йилдан йилга нуфузи ва даражаси ортиб бораётган мазкур мусобақада Ўзбекистон терма жамоаси ҳам тўлиқ таркибда иштирок этади.
30 сентябрь куни соат 14:00 да Wyndham (собиқ Dedeman) меҳмонхонасида турнир олдидан матбуот анжумани ўтказилади.
Изоҳ (0)