Япония ҳукумати Россия ҳарбий самолёти мамлакат ҳаво ҳудудига бостириб кирганини маълум қилди, дея хабар бермоқда Meduza. Ушбу воқеа юзасидан Япония ташқи ишлар вазирлиги Россия элчихонасига норозилик билдирди.
Россиянинг бу мамлакатдаги элчихонасига жўнатилган баёнотда айтилишича, Япония ТИВ Россия ҳукуматидан мазкур ҳодисани тергов қилиш ва тегишли жавоб беришни сўрайди.
Япония ҳукумати маълумотларига кўра, Россия ҳарбий самолёти мамлакат ҳаво ҳудудига маҳаллий вақт билан 15 сентябрь куни 14:00 да бостириб кириб, у ерда 16 сония давомида бўлган. Уни тутиб қолиш учун Япония Ўз-ўзини мудофаа қилиш кучлари жалб этилган. Япония ҳаво ҳудудини тарк этгач, самолёт Курил ороллари томонга йўл олган.
Изоҳ (0)