Айни пайтда қурилаётган дунёдаги энг ақл бовар қилмас 10 та бино (фото)

Замонавий меъморчилик фантастик кўринишга эга ва гўё инсонни юлдузларга яқинлаштиришга уринаётгандек. «Adme.ru» айни пайтда қурилиши давом этаётган ва ўлчамлари ҳайратланарли бўлган 10 бино билан таништирди.

1. Қироллик минораси

У Саудия Арабистонида бино қилинмоқда, баландлиги 1 километргача етади. Миноранинг қурилиши ўтган йили бошланиб, 2019 йилда битказилиши кутилмоқда.

2. Шанхай минораси

121 қаватли минора Хитойда 1993 йилдан 2015 йил бошигача қурилди. Айни пайтда пардозлаш ишлари бормоқда.

3. Dubai Pearl

Ушбу бино «ички шаҳар» кўринишида бўлиб, у тўртта минорани кўприклар орқали бирлаштиради.

4. Agora Garden

Тайпей шаҳридаги 20 қаватли иншоот қурилиши 2016 йилда якунланади. Унинг ҳар бир қаватидаги балконларда боғлар ўстирилади.

5. World One

Ҳиндистонда қурилаётган 117 қаватли осмонўпар бино сайёрадаги энг баланд турар-жойга айланиши кутилмоқда.

6. Қирол Абдулла нефтни ўрганиш ва тадқиқ қилиш маркази (KARSARC)

Саудия Арабистонидаги ушбу бино машҳур меъмор Захи Ҳадид ижодига мансуб бўлиб, у олти бурчакли ҳужраларни бирлаштириш асосида ўйлаб топилган.

7. Чжуннань маркази

Хитойнинг Сучжоу шаҳрида 730 метрли марказ қурилиши яқинда бошланди, у 2020 йилда тайёр бўлади. У дунёда учинчи энг баланд бинога айланади.

8. Lotte World Tower

556 метрли осмонўпар бино Сеулда 2016 йилда қуриб битказилади.

9. «Даванг» тоғ курорти

Хитойдаги ушбу курорт 170 метрга чўзилган бинодан иборат бўлиб, у 2016 йилда тайёр бўлади.

10. «Сонжанг» меҳмонхонаси

Хитойдаги яна бир бино қоя ва кўллар оралиғида жойлашган меҳмонхонадир. Унинг ичидан шаршара оқиб ўтади.