АҚШнинг Калифорния штати шимолида жойлашган Лейк ва Напа округларида юзага келган ёнғин майдони кенгайиб бормоқда, дея хабар беради «ТАСС». 15 сентябрга ўтар тунда унинг ҳудуди 24 мингдан 27 минг гектаргача кенгайди.
Табиий офат ҳудудига қўшимча равишда 500 нафар ўт ўчирувчи жалб этилди, уларнинг умумий сони 2,3 минг кишига етди.
Ҳукумат хабарига кўра, ёнғин туфайли 585 та уй вайрон бўлган. Одам яшамайдиган иншоотлардан мингга яқини ёниб кетган. 14 сентябрь, душанба куни Мидлтаун шаҳри ҳудудида аёл кишининг ёниб кетган танаси топилди.
Айни пайтда тўққиз мингта уй ва хўжалик иншоотлари ўт ичида қолиш хавфи бор. Лейк ва Напа округларида 13 сентябрдан буён фавқулодда ҳолат режими амал қилмоқда.
Изоҳ (0)