Атом энергетикаси бўйича халқаро агентлик (МAГАТЭ) Бош конференциясининг Венада бўлиб ўтган 59-сессиясида ташкилотга аъзо давлатлар Туркманистоннинг МAГАТЭга аъзолигини тасдиқлаш ҳақидаги резолюцияни бир овоздан қабул қилди. Бу ҳақда Туркманистон Ташқи ишлар вазирлиги матбуот хизмати хабар бермоқда.
Туркманистон ТИВнинг қайд этишича, МAГАТЭга аъзо мамлакатлар Туркманистоннинг ядровий қуролни жаҳонда, хусусан, Марказий Осиё минтақасида тарқатмаслик тамойилларига содиқ эканлигини юқори баҳолади.
Сессияда Туркманистон МAГАТЭга аъзо сифатида ўзига олган барча мажбурият ва вазифаларни бажаришга, шунингдек, БМТ Низомида белгиланган мақсад ва тамойиллар асосида ҳаракат қилишга тайёр эканлиги ҳам қайд этиб ўтилди.
Изоҳ (0)