КХДР нафақат тўлиқ жанговар шай ҳолатда, балки исталган вақтда АҚШга ядровий зарба беришга тайёр турибди. Бу ҳақда, «Сегодня.ua» хабарига кўра, Шимолий Корея атом энергетикаси институти директори маълум қилди.
Институт директорининг таъкидлашича, Шимолий Кореянинг Ёнбёндаги бош ядровий мажмуаси, хусусан, уран заводи ва қуввати 5 мегаваттга тенг реактор тўлиқ «такомиллаштирилган, қайта ишланган ва одатий тартибда ишлаш учун мослаштирилган».
«Биз ўзимизни мудофаа қилиш учун чоралар кўрмоқдамиз, чунки АҚШ бизга нисбатан жуда душманона назар билан қарамоқда ва ўз ядровий қуроллари билан бизга таҳдид қилмоқда», — деди Шимолий Кореядаги институт раҳбари.
Изоҳ (0)