Президент Барак Обама АҚШ ижроия ҳукуматининг қонун чиқарувчи ҳукумат билан ҳамкорлик қилмаган ҳолда Кубага нисбатан савдо-иқтисодий эмбарго режимини юмшатиш ҳуқуқини берувчи ваколатини яна бир йилга узайтирди, дея хабар қилади «ТАСС» Оқ уй матбуот хизматига таяниб.
Бунда гап АҚШда 1917 йилда қабул қилинган Душман билан савдо-сотиқ қилиш тўғрисидаги қонундан келиб чиқадиган ваколатлар ҳақида бормоқда.
АҚШ маъмурияти вакили аниқлик киритишича, бунда Обаманинг қарори икки ёқламадир. Бир томондан, у Американинг Кубага нисбатан иқтисодий санкцияларини яна бир йилга сақлаб қолишни билдиради. Бошқа томондан, ушбу ваколатларнинг узайтирилиши президентни Куба эмбаргосига риоя қилиш ва муайян олди-сотдиларга рухсат беришда максимал тадбиркорлик билан таъминлайди.
Изоҳ (0)