Грузиянинг Батуми шаҳрида ўтказилаётган соврин жамғармаси 25 минг АҚШ доллари бўлган теннис бўйича турнирда Ўзбекистоннинг бирйўла уч нафар вакили иштирок этмоқда. Бу ҳақда «Olamsport.com» хабар берди.
Улардан икки нафари — Нигина Абдураимова ва Оқгул Омонмуродова чорак финал йўлланмасини қўлга киритди. Сабина Шарипова иккинчи давра баҳсида россиялик Алена Тарасовага имкониятни бой бериб қўйди.
Чорак финал учрашувида Нигина грузиялик Тинатин Кавлашвили, Оқгул эса украиналик Олга Янчукка қарши кортга чиқади.
Изоҳ (0)