Иордания шаҳзодаси Али бин Ал Ҳусайн ўз номзодини Халқаро футбол федерацияси (ФИФA) президентлиги учун илгари суришини маълум қилди, дея хабар бермоқда «Коммерсант».
«Мен ФИФA президенти лавозимига ўз номзодимни иккинчи марта қўйишга қарор қилдим», — деди у.
Нашр эслатишича, аввалроқ ФИФA ташкилотнинг янги президентини сайлаш кунини белгилаган эди. Сайлов 2016 йилнинг 26 февралида бўлиб ўтади.
Ўтган сайловда ал Ҳусайн Блаттернинг ягона рақиби бўлган. Бироқ биринчи босқичдан сўнг Иордания шаҳзодаси ўз номзодини олиб ташлаган эди. Ўшанда Блаттер учун 133 та, ал Ҳусайн учун 73 та мамлакат овоз берган эди.
Эслатиб ўтамиз, ФИФA президенти Йозеф Блаттер коррупцион можаро сабаб истеъфога чиқишини эълон қилди. Йозеф Блаттер 1998 йилдан бери ФИФAга раҳбарлик қилиб келаётганди. 29 май куни у навбатдаги муддатга сайланган эди.
Изоҳ (0)