Аргентиналик Эдгардо Оведо ўз турмуш ўртоғи ва ўғлини бир неча йил давомида тутқунликда сақлагани маълум бўлди. «Корреспондент.net» хабарига кўра, 66 ёшли эркакка нисбатан 5 сентябрь, шанба куни айблов эълон қилинган.
Оведонинг уйи тинтув қилинганида, темир эшикли ва ичида итлар овқатини солиш учун мўлжалланган идишлар бўлган, алоҳида ажратилган хона топилган. Тергов маълумотларига кўра, эркак бу хонада олти йил давомида хотини ва вояга етган ўғлини сақлаган.
Мар-дел-Плата курорт шаҳри маъмурияти вакилларининг маълум қилишича, Оведонинг хотини руҳан носоғлом, 32 ёшли ўғли эса гапириш қобилиятига эга эмас.
Изоҳ (0)