Новосибирскда суд маҳаллий олигархнинг қотилликда гумон қилинаётган 16 ёшли ўғлини ҳибсга олишни рад этгани билан боғлиқ ҳолат фаол муҳокамаларга сабаб бўлди. «Газета.ru» хабарига кўра, ўсмир йигит август ойи охирида ўз дугонасини ўлдиргани айтилмоқда.
Хабар беришларича, терговчилар новосибирсклик йирик ишбилармон Игорь Конковнинг уйидан қиз жасадини топган. Унинг бўйнига тўртта, қўлига бир неча бор пичоқ билан жароҳат етказилган.
Ҳалок бўлган қизнинг қариндошлари сўзларига кўра, 16 ёшли гумонланувчи мазкур жиноятни аввалдан режалаштириб юрган, йигитча қиз билан ажрашиб кетганидан сўнг, уни ўлдириш билан таҳдид қилган. Ҳозирги вақтда ўсмир руҳий экспертизадан ўтиш учун тиббиёт муассасасига юборилган.
Бироқ марҳум қизнинг қариндошлари жиноятчи қамоқдан қутилиб қолишидан хавотир олмоқда. Чунки йигитнинг нафақат бадавлат отаси, балки Москвада ҳукумат ҳузуридаги таҳлил марказида фаолият олиб борувчи нуфузли амакиси ҳам бор.
Изоҳ (0)