3 сентябрь, пайшанба куни Жанубий Осетиядаги мингдан зиёд мактаб ўқувчилари 2004 йили Бесландаги 1-мактабни террорчилар эгаллаши оқибатида ҳалок бўлганларни ёдга олиб, Цхинвалдаги марказий майдонга тўпланди. Бу ҳақда «ТАСС» хабар бермоқда.
Куннинг ярмида — 11 йил аввал мактабда биринчи портлаш рўй берган вақтда осмонга ҳалок бўлганлар сонини билдирувчи 334 та оқ шар учирилди.
Эслатиб ўтамиз, террорчилар Бесландаги мактабни эгаллаш чоғида 1,2 минг кишини асирликка олган. Улардан 334 киши, жумладан, 186 нафар бола ҳалок бўлди, 126 киши ногирон бўлиб қолди.
Изоҳ (0)