Хитой ҳарбий денгиз кучларининг бешта кемаси Аляска қирғоқларидаги Беринг денгизи халқаро сувларида турибди, дея хабар бермоқда «Европейская Правда». Аляскага эса АҚШ президенти Барак Обама ташриф буюриб турибди.
Пентагон расмий вакили капитан Жефф Дэвис Хитой кемалари АҚШ томонидан биринчи марта Беринг денгизида аниқланганини айтди.
«Биз барча халқларнинг халқаро ҳуқуққа мувофиқ равишда халқаро сувларда ҳарбий кемалардан фойдаланиш эркинлигини ҳурмат қиламиз», — деди у.
Кемаларнинг пайдо бўлиши Хитой ҲДКнинг кенгайиб бораётган имкониятлари намунаси бўлиб, Обаманинг Аляскага уч кунлик ташрифи пайтига тўғри келди.
Пентагон мансабдорлари таъкидлашича, кемалардан ҳеч бири нопрофессионал ёки ноқонуний хатти-ҳаракатларни амалга ошираётгани аниқланмаган.
Изоҳ (0)