Хитойда расмий ташриф билан бўлиб турган БМТ Бош котиби Пан Ги Мун мамлакат раҳбари Си Цзиньпин, бош вазир Ли Кецян, бош вазир ўринбосари Лю Яндун ва ташқи ишлар вазири Ван I билан музокаралар ўтказди. Уларда, жумладан, иқлим ўзгариши билан боғлиқ муаммолар ҳам муҳокама этилди. Бу ҳақда «ТАСС» хабар бермоқда.
«Бош котиб иқлим ўзгаришларига муносабат билдиришда тегишли сиёсат юритаётгани ҳамда аниқ ҳаракатлар амалга ошираётгани учун Хитой маъмурларига миннатдорчилик билдирди. Шунингдек, мамлакатнинг Корея ярим ороли, Жанубий Судан ва Эрон билан боғлиқ масалаларни ҳал этишда муҳим рол ўйнаётганини таъкидлади», — дея хабар беради халқаро ташкилот матбуот хизмати.
Пан Ги Мун Хитой раҳбарини шу ой охирида ўтказиладиган БМТ Бош ассамблеясининг 70-сессиясида иштирок этишини кутаётганини билдирди.
Изоҳ (0)