Европа Иттифоқи мамлакатлари миграция инқирозини енгиб ўтиш бўйича умумий стратегия доирасида 200 минг нафаргача қочоқни қабул қилиши керак. БМТнинг қочоқлар иши бўйича агентлиги раҳбари Антонио Гутерреснинг айтишича, мазкур инқирозга қарши курашда Евроиттифоқ барча кучларни сафарбар этмоғи керак. Бу ҳақда «Интерфакс» хабар бермоқда.
BBC News хабарига кўра, айниқса, Венгрияда муҳожирлар муаммоси жиддий тус олмоқда — у ерда бир неча бор муҳожирлар ва полиция ўртасида тўқнашувлар юз берди, поездларнинг эгаллаб олинаётгани муносабати билан, мамлакат Европа мамлакатларига поездлар қатновини тўхтатишга мажбур бўлди.
Гутеррес Европа Иттифоқида қочоқларни қабул қилиш тизими «мувозанатга туширилмагани»ни танқид остига олиб, бу ҳолат одамларни Европага жўнатаётган контрабандачиларга қўл келаётганини қайд этиб ўтди. Европа Кенгаши раиси Дональд Тускнинг маълум қилишича, камида 100 минг нафар қочоқ Европа Иттифоқи мамлакатлари ўртасида тақсимланиши керак.
Изоҳ (0)