НАТО альянс таркибига кирувчи Шарқий Европа мамлакатларида олтита янги штаб очди. Бу ҳақда «Интерфакс» хабар бермоқда.
«НАТОнинг келаси йил июль ойида бўладиган саммитига қадар мазкур янги штабларнинг барчаси тўлиқ жанговар тайёр ҳолатда бўлади, деб умид қиляпмиз», — деди НАТО расмий вакили.
Болгария, Латвия, Литва, Польша, Руминия ва Эстонияда иш бошлайдиган ҳар бир янги штабда 40 нафарга яқин ҳарбий хизматчи бўлади, уларнинг ярми тегишли мамлакат армияси вакилларидан саралаб олинади.
НАТОнинг Шарқий Европадаги мазкур таянч нуқталарининг асосий вазифаси тезкор муносабат билдириш кучлари бўлинмаларининг машғулотларини режалаштириш ва мувофиқлаштиришдан иборат бўлади.
Бундан ташқари, мазкур штаблар Россия президенти Владимир Путин учун ўзига хос сигнал сифатида ҳам кўрилмоқда. Болтиқбўйидаги собиқ совет республикаларида Москва ўз таъсир доирасини мазкур ҳудудларга ҳам ёйиши мумкин, деган хавотирлар бор.
Изоҳ (0)