Ангола маъмурияти икки йил давом этган муҳокамалардан сўнг исломга эътиқод қилишга тақиқ қўйилишини узил-кесил тасдиқлади. Бу ҳақда «Nur.kz» хабар бермоқда.
Мамлакат маданият вазири Роза Крус Силванинг маълум қилишича, «ислом Ангола урф-одатлари ва маданиятига зид бўлгани сабабли унга расмий мақом берилишини Адлия вазирлиги маъқулламади. Шу боис фаолият кўрсатаётган масжидлар ҳам ёпилади».
Гарчи Ангола Конституцияси виждон эркинлигини кафолатлаган бўлса-да, маъмурлар диний жамоалар Адлия вазирлигида рўйхатдан ўтишни талаб қилмоқда. Вазирликда расмий рўйхатдан ўтишга камида 100 минг киши эътиқод қиладиган динларгина ҳақли ҳисобланади. Аҳолиси, асосан, насронийлардан иборат 16 миллионли Анголадаги мусулмонлар сони эса 90 мингдан ошмайди.
Изоҳ (0)