Венесуэла президенти Николас Мадуро Россия президенти Владимир Путин билан учрашув вақтида нефть бозоридаги вазиятни барқарорлаштириш бўйича чораларни муҳокама қилишни таклиф қилди. Бу ҳақда «Корреспондент.net» хабар бермоқда.
«Биз бу ҳақда гаплашиб олишимиз мумкин, бизда бу борада анча яхши таклифлар бор», — деди Мадуро. Ўз навбатида, Путин Мадурога икки мамлакат ўртасидаги маҳсулот айирбошлаш ҳолати юзасидан фикр алмашишни таклиф қилди.
«Икки томонлама муносабатлар ҳақида фикр алмашиш имкониятидан мамнунман. Ўтган йили ўзаро товар айирбошлаш ҳажми бироз камайди, бу йил эса камида 25 фоизга ошди. Биз бу ҳолатни таҳлил қилиб, иш бир маромда кетиши учун нима қилишимиз кераклигини аниқлаб олишимиз керак», — деди Путин.
Маълумот учун, 3 сентябрь куни кундузги савдо сессиялари вақтида Brent турига оид бир баррель нефть нархи 50,28 долларга тенг эди.
Изоҳ (0)