АҚШ президенти Барак Обама британиялик собиқ махсус қисм аскари Эдвард Гриллс олиб борадиган «Ёввойилашганлар» телешоусида иштирок этади. У шоуда қатнашишга рози бўлган Американинг илк президенти бўлди. Бу ҳақда «Корреспондент.net» хабар бермоқда.
Ушбу кўрсатувнинг ҳар бир сонида бирор машҳур шахс олиб борувчи ва тасвирчи билан инсон қадами етмаган ҳудудларга йўл олади. Қатнашчилар ҳеч қандай захирасиз, фақат ўз иқтидорига таяниб, қийин шароитда яшаб кетиши талаб этилади.
Обама ва Гриллс Аляскага боришлари тахмин қилинмоқда. Президент иштирок этган шоу «Эн-би-си» телеканалида шу йил намойиш этилади.
Изоҳ (0)