AQSh prezidenti Barak Obama britaniyalik sobiq maxsus qism askari Edvard Grills olib boradigan “Yovvoyilashganlar” teleshousida ishtirok etadi. U shouda qatnashishga rozi bo‘lgan Amerikaning ilk prezidenti bo‘ldi. Bu haqda “Korrespondent.net” xabar bermoqda.
Ushbu ko‘rsatuvning har bir sonida biror mashhur shaxs olib boruvchi va tasvirchi bilan inson qadami yetmagan hududlarga yo‘l oladi. Qatnashchilar hech qanday zaxirasiz, faqat o‘z iqtidoriga tayanib, qiyin sharoitda yashab ketishi talab etiladi.
Obama va Grills Alyaskaga borishlari taxmin qilinmoqda. Prezident ishtirok etgan shou “En-bi-si” telekanalida shu yil namoyish etiladi.
Izoh (0)