Fiat Chrysler дунё бозоридан ўтган йили ишлаб чиқарилган 200 мингдан зиёд Jeep Cherokee автомобилини ойна тозалагичларда аниқланган қусур туфайли қайтариб олмоқда. Бу ҳақда «Коммерсант.ru» хабар берди.
Машиналар, асосан, АҚШ, Канада ва Мексикада сотилган. Компания вакиллари ойна тозалагичлардаги қусур автоҳалокатларга сабаб бўлгани ҳақида маълумотларга эга эмасликлари ва аниқланган камчиликлар бепул бартараф этилишини маълум қилди.
АҚШда ўтказиладиган автомобиллар сифати бўйича истеъмолчилар ўртасидаги сўров натижаларига кўра, жорий йилда биринчи ўрини Lexus, энг охирги ўринни эса Fiat Chrysler эгаллаган.
Изоҳ (0)