Буюк Британия ҳукумати электромобиллар бевосита ҳаракат давомида энергия билан тўйинишига имкон берувчи янги йўл технологияларини жорий этишни режалаштирмоқда. Бу ҳақда CNN манбаларига таяниб, «Nur.kz» хабар бермоқда.
Янги технологияларга асосланган йўллар синови 2015 йил охиригача ўтказилади. Уларда машиналарни қувват билан тўйинтириш учун магнит индукциясидан фойдаланилади: йўллардаги электр узатиш тармоқларига уланган подстанциялар йўл қатламига жойлаштириладиган кабелларга энергия узатади, автомобиллар эса ушбу кабелларнинг электромагнит нурланишини илғаб оладиган махсус ускуналар билан жиҳозланади.
Ҳукумат ушбу лойиҳага 5 йил давомида 500 миллион фунт стерлинг (779 миллион доллар) сарфлашни мўлжаллаган.
Изоҳ (0)