Хитойнинг Тяньцзинь шаҳридаги заҳарли моддалар сақланувчи омборхоналарда 12 август куни юз берган портлашлар оқибатида ҳалок бўлганлар сони 147 кишига етди. Бу ҳақда «ТАСС» хабар бермоқда.
Ҳалок бўлганларнинг 89 нафари ўт ўчирувчилар, ўн нафари полиция ходимлари ва 48 нафари оддий фуқаролардир. Шаҳар шошилинч хизматлари маълумотига кўра, 26 киши бедарак йўқолган, деб гумон қилинмоқда — уларнинг 15 нафари ўт ўчирувчилар, бир нафари полициячидир.
Фожиа натижасида 800 га яқин киши жабрланган бўлиб, уларнинг 383 нафари ҳали ҳам касалхоналарда қолмоқда. 21 нафар жабрланувчининг аҳволи жуда ҳам оғирлиги айтилмоқда. Портлаш рўй берганидан бери 415 нафар жабрланувчи касалхоналарни тарк этган.
Изоҳ (0)