КХДР Жанубий Кореяга нисбатан илгари сурган ультиматум муддати маҳаллий вақт бўйича 22 август куни 17:00 (Тошкент вақти бўйича 13:00)да тугади. Унга кўра, Сеул чегарада жойлашган радиокарнайларни олиб ташлаши керак эди, бироқ у бу шартни бажармади, деб ёзади «Ведомости».
Аммо томонлар 18:00 (Тошкент вақти билан 14:00)да тангликни тартибга солиш мақсадида учрашув ўтказишга келишиб олгани туфайли, Шимолий Корея ультиматумининг шартлари кучда қолиш-қолмаслиги номаълум. Низонинг ҳар иккала томони ҳам бу юзасидан ҳеч қандай изоҳ берганича йўқ.
Ярим оролда вазиятнинг жиддий кескинлашуви 20 август, пайшанба куни КХДР ва КР қуролсизлантирилган ҳудуднинг ғарбий қисмида бир-бирига артиллериядан ўқ ёғдиргач, содир бўлди. Жанубий Корея маълумотларига кўра, ўт биринчи бўлиб, Шимол томонидан очилган, бунга у ерга Сеул томонидан Пхеньянга қарши тарғибот кампаниясида фойдаланиладиган радиокарнайлар жойлангани сабаб бўлган. Бироқ КХДР ўз ҳарбийлари биринчи бўлиб ўқ ёғдирганини рад этмоқда.
Изоҳ (0)