12-avgust kuni Xitoyning Tyanszin shahridagi omborxonada ro‘y bergan portlash qurbonlari soni 121 kishiga yetdi, deya xabar bermoqda “TASS”. Shulardan 119 nafarining shaxsi aniqlangan.
Portlashlar “Juyxay” logistika kompaniyasi omborida sodir bo‘ldi. Portlash to‘lqini zarbidan ikki kilometr radiusdagi turar-joylar oynalari sinib ketdi, mingdan ortiq avtomobilga zarar yetdi.
Quvvati trotil ekvivalentida uch tonnaga baholanayotgan portlashdan so‘ng hodisa hududida kuchli yong‘in yuzaga keldi. Shundan keyin omborda yana bir nechta portlash kuzatildi, ulardan eng kuchlisining quvvati 21 tonna trotilga tenglashtirilmoqda.
Izoh (0)