Қозоғистон пойтахти Остона шаҳрида 27 август куни Мустақил Давлатлар Ҳамдўстлиги (МДҲ)га аъзо мамлакатлар бош прокурорлари мувофиқлаштирувчи кенгашининг 25-мажлиси бўлиб ўтади. Бу ҳақда «Inform.kz» хабар бермоқда.
Учрашув давомида Ҳамдўстлик мамлакатлари бош прокуратураларининг коррупцияга қарши кураш бўйича иш тажрибаси, транспортда қонун ва тартибни ўрнатишда прокурор назоратини ўрнатиш бўйича мувофиқлаштирилган чораларни таъминлаш, экстремистик ва террорчилик кўринишларига қарши кураш масалаларини муҳокама қилиш режалаштирилмоқда.
Бундан ташқари, 2014 йилги жиноятчилик ҳолати, тергов ишлари, прокурорлик фаолияти, МДҲга аъзо мамлакатларда жиноятчиликка қарши кураш бўйича халқаро келишувларнинг бажарилиши амалиёти билан боғлиқ маълумотлар ҳам таҳлил қилинади.
Изоҳ (0)