Сальвадор қамоқхоналаридан бирида юз берган қирғин натижасида жиноий гуруҳлардан бирининг 14 нафар аъзоси ҳалок бўлди. «Корреспондент.net» хабарига кўра, мазкур ҳолат юзасидан қамоқхона раҳбарияти ва маҳаллий полиция тергов ҳаракатларини бошлаган.
Мамлакат шимолидаги Кесальтепеке қамоқхонасини текшириш вақтида эркакларнинг жасадлари топилган. Ҳалок бўлганларнинг бари Сальвадордаги энг йирик кўча тўдаларидан бири ҳисобланган «Баррио-18» гуруҳи аъзолари бўлган.
Сальвадор қотилликлар сони бўйича жаҳонда етакчи ўринлардан бирида туради. Аҳолиси сони 6,3 миллион бўлган мамлакатда йил бошидан бери 3,3 мингдан ортиқ қотиллик ҳолатлари қайд этилган.
Изоҳ (0)