Евроиттифоқ Беларусда олти мухолифатчининг озод этилганини олқишлади

Европа дипломатиясининг раҳбари Федерика Могерини Беларусь президенти Александр Лукашенконинг мухолифатнинг олти нафар вакилини озод қилиш ҳақидаги қарорини «узоқ кутилган олға қадам» деб атади. Бу ҳақда «Echo.msk.ru» хабар бермоқда.

Могерини хоним Лукашенконинг Беларусь президентлигига собиқ номзод Николай Статкевични афв этиш ҳақидаги қарорини алоҳида қайд этиб ўтди.

Таъкидлаш жоиз, Статкевичнинг ўзи озод этилганидан сўнг афв этишни сўраб Лукашенкога хат ёзмаганини, бу қарор унинг ўзи учун ҳам кутилмаган ҳодиса бўлганини айтиб ўтганди.