Уч йилдан буён профессионал боксдаги фаолиятини АҚШнинг Хьюстон шаҳрида давом эттираётган ўзбекистонлик Аҳрор Муралимов ўзининг навбатдаги жангини 28 август куни ўтказади, дея хабар бермоқда «Olamsport.com».
Супероғир вазн тоифаси вакили бўлган Аҳрор иштирокидаги жанг дунё бокс маркази ҳисобланган Лас-Вегас шаҳрида бўлиб ўтади. Айни пайтда бўлажак рақиб жамоаси билан сўнгги музокаралар олиб бориляпти. Бугун ёки эртага Муралимовнинг рақиби маълум бўлади ва боксчи шартномага имзо чекади.
Эслатиб ўтамиз, Аҳрор Муралимов бундан аввалги жангини Нью-Йорк шаҳрида вакант бўлиб турган IBF North American чемпионлик камари учун ўтказган ва америкалик Деррик Россига очколар ҳисоби бўйича ютқазиб қўйганди.
Бу боксчининг 17 та жангдаги илк мағлубияти эди. Муралимов 16 та жангда ғалаба қозонган бўлса, муддатидан аввал нокаут билан қозонган ғалабалари сони 13 тани ташкил этади.
Изоҳ (0)