Uch yildan buyon professional boksdagi faoliyatini AQShning Xyuston shahrida davom ettirayotgan o‘zbekistonlik Ahror Muralimov o‘zining navbatdagi jangini 28-avgust kuni o‘tkazadi, deya xabar bermoqda “Olamsport.com”.
Superog‘ir vazn toifasi vakili bo‘lgan Ahror ishtirokidagi jang dunyo boks markazi hisoblangan Las-Vegas shahrida bo‘lib o‘tadi. Ayni paytda bo‘lajak raqib jamoasi bilan so‘nggi muzokaralar olib borilyapti. Bugun yoki ertaga Muralimovning raqibi ma’lum bo‘ladi va bokschi shartnomaga imzo chekadi.
Eslatib o‘tamiz, Ahror Muralimov bundan avvalgi jangini Nyu-York shahrida vakant bo‘lib turgan IBF North American chempionlik kamari uchun o‘tkazgan va amerikalik Derrik Rossiga ochkolar hisobi bo‘yicha yutqazib qo‘ygandi.
Bu bokschining 17 ta jangdagi ilk mag‘lubiyati edi. Muralimov 16 ta jangda g‘alaba qozongan bo‘lsa, muddatidan avval nokaut bilan qozongan g‘alabalari soni 13 tani tashkil etadi.
Izoh (0)