Японияда расмий ташриф билан бўлиб турган Италия бош вазири Маттео Ренци мафия билан курашни фаоллаштириш ҳамда «Коза ностра» жиноий гуруҳининг энг хавфли етакчиларидан бири бўлган Маттео Мессина Денарони ҳибсга олишга чақирди. Бу ҳақда «РИА Новости» хабар бермоқда.
Олдинроқ Италия ҳуқуқни муҳофаза этиш идоралари Сицилиянинг Трапани ва Палермо провинцияларидаги жиноятчи гуруҳларини бошқарган ва Денарога яқин бўлган 11 кишини қамоққа олгани маълум қилинган эди. Мафия вакиллари «Гермес» деб ном олган амалиёт чоғида прокуратура кўрсатмасига биноан Италия давлат полицияси ва карабинерлар махсус бўлинмаси томонидан қўлга туширилган.
Денаро 2006 йили мафиянинг «чўқинтирган отаси» бўлмиш Бернардо Провенцано ҳибсга олинганидан сўнг «Коза ностра» норасмий етакчисига айланди. У қидирувда бўлган дунёнинг 10 нафар энг хавфли жиноятчиси рўйхатига киради.
Изоҳ (0)