Япониялик машҳур авангардчи ҳайкалтарош Каори Каваками томонидан металлдан ишланган улкан ҳайкал Неаполь яқинидаги Казория қишлоғида изсиз йўқолди. Бу ҳақда «ТАСС» хабар бермоқда.
Омочнинг рамзий тасвири ҳисобланган икки тонналик монумент шаҳар виллаларидан бирининг ҳовлисида жойлашган замонавий санъат музей-лабораторияси кўргазма майдончасида йўқолган.
Музей директори профессор Антонио Манфреди бронза ҳайкал йўқолгани ҳақида полицияга хабар берган, айни вақтда, ОАВ орқали ҳайкални ўғирлаган номаълум шахсларга мурожаат қилиб, монументни қайта эритишга топширмасликни ўтиниб сўраган.
«Бу эски бир темир буюм эмас, балки санъат асаридир», — деди профессори Манфреди.
Япониялик ҳайкалтарошнинг бу иши 300 минг еврога баҳоланган ва унинг бошқа барча асарлари қатори ЮНЕСКО муҳофазасидадир.
Изоҳ (0)